當年今日
關於我們

  楊耀忠聞科大就呻 - 李八方

蘋果日報 2002/01/02 00:00


香島中學繼近年在天水圍成立第三間分校外,現正籌謀進軍月來不斷有新樓盤推出嘅將軍澳。聽楊校長講,位於將軍澳新開設嘅係全新概念嘅高中學校,只收中四或以上的高中生,預計二○○三年便會落成;所以話,回歸之後左校愈嚟愈有「江湖地位」。
學校業務不斷蒸蒸日上,兒子楊希霖又孝順,昨日特別陪同老竇大人一齊去遠足,照理楊耀忠應該萬事足,但佢見到八方卻呻到樹葉都落晒嚟。細問之下,原來科大校長朱經武近日邀請立法會議員參觀科大,但未知係咪眾議員成日去科大飲茶食飯,無晒新鮮感,搞到報名參觀嘅人數只得小貓三兩隻,令身為教育事務委員會的楊主席好煩惱。照八方話,楊校長不如試吓用「哦字訣」對待班議員,哦到佢哋去科大為止。


E-mail:[email protected]