【拍拖係開心良藥】與陸漢洋拍拖行善 苟姑娘獲讚係天生雪蓮
關心妍抑鬱苟芸慧賽車發洩陸漢洋
關心妍今晚喺九展舉行慈善晚宴,苟芸慧(苟姑娘)同男友陸漢洋拍拖支持。問到陸漢洋有冇接觸過抑鬱病人,佢望住苟姑娘,然後笑答:「人心情有好同唔好嘅時候,有情緒低落,我都經歷過,最緊要身邊有朋友支持。」佢自爆賽車前特別大壓力:「尤其新建立車隊,o依家有女朋友好好多。以前有抑鬱,o依家只有『益』。」女友係開心良藥?陸漢洋搞笑話:「直情係仙丹,天生雪蓮。」
苟姑娘直認病時心情係有影響:「嗰刻係好需要人幫忙,有人關心件事唔係咁差。」男友係咪良藥?苟姑娘話:「佢教識我情緒要發洩,賽車係令我可發洩出嚟。」有冇搵男友發洩?苟姑娘話:「我唔夠膽。」陸漢洋即答:「唔好咁講,我叫佢聽音樂、賽車、做運動。」
更多娛聞,喺晒《娛果》
http://fb.com/appledailyent