不老林志穎，依家越來越肯公開自己同妻兒幸福生活照。大家鍾意睇不老小志，但一樣鍾意睇「小小志」——囝囝Kimi。有睇過《爸爸去哪兒》嘅你，應該不會反對吧。

最近有內地知名博客「長春國貿」於網上爆料，指Kimi嘅身價係一日15萬人仔，反而霆鋒栢芝個仔Lucas得12萬/日，「奧運女孩」林妙可僅僅排到第四，得10萬人仔一日。

前日林志穎去上海做宣傳嗰陣，已經否認Kimi一日賺15萬之說，更謂:「Kimi的身價是無價，目前沒有拍戲的價碼，也沒有上綜藝節目的價碼，因為我們並不想讓他這麼小就出來工作。」至於是否加盟《爸爸去哪兒》第二季節目，林志穎就話考慮緊。一講到自己由「小志」變成咗「Kimi爸爸」，小志笑言Kimi比自己當年出道嘅時候「火」很多:「他是一個很萌很天真的小孩，雖然我看他已經看習慣，但還會覺得他很可愛。可能當年我剛出道的時候也是這樣，大家也會覺得我很可愛。」

噚晚小志又同大家分享Kimi新相喇，根據小志自定嘅遊戲規則，微博fans每到一個數目，小志就會貼Kimi新相同大家share，噚晚就係慶祝3500萬fans喇:「3500萬粉絲禮物來囉，今天一回家Kimi就跟我玩奧特曼變身的遊戲，超人萌照!」Kimi真係kawaii呢!