當年今日
關於我們

【月租12萬】華懋半億新樓天花剝落 租客:麻雀枱咁大

蘋果日報 2019/03/12 00:00

華懋賢文禮士

新盤質素參差,有市民租住入伙豪宅新盤1年即出事。
讀者黃小姐去年以月租12萬元承租華懋九龍塘賢文禮士一個1,979方呎4房單位,居住1年相安無事,前晚12時,「我哋成屋瞓晒覺,突然間聽到bomb一聲,咪出去房睇吓囉!天花剝落咗,唔係油漆囉,直情有啲石屎咁跌咗落嚟,剝落嘅範圍有一張麻雀枱咁大。屋企2個小朋友平時就喺呢度玩,咁啱夜晚12點先發生,touchwood啦!大佬,真係一塊塊有重量㗎嘛!新樓嚟㗎嘛,住唔夠1年,咁樣冧落嚟,真係好危險囉!」
記者現場直擊,出現問題的地方位處大廳正中間,面積約4呎乘2呎,超過8平方呎。正下方見零散碎片,最大一塊大過一隻手掌,每塊碎片夾雜英泥及油漆,厚度相當於5元硬幣,部份碎口鋒利,現場執起一塊可以𠝹開紙張。已剝落位置沒有鋼筋外露,相信只是批盪層剝落。
黃小姐租住的九龍塘賢文禮士由華懋發展,2017年年底開始入伙。土地註冊處資料,單位由一名王姓買家於2017年以約4,800萬元買入。租客黃小姐一直透過中介人承租單位,並未真正接觸過業主 。承租單位為原裝設計,並沒有額外裝修,亦非發展商銷售時用作示範單位之一。事發後,她感到驚慌,她說:「真係好驚㗎,無理由咁大個發展商,啲樓質素係咁樣囉。同埋我哋最擔心整到人就唔好啦。唔係出咗事先嚟補鑊㗎嘛。我住喺入面都提心吊膽啦,唔關個業主事,業主買你呢個發展商嘅樓,都唔知天花會突然會咁剝落!」她仍感憤慨:「諗唔到會喺新樓發生,唔係住咗十幾廿年嘅油漆剝落,唔係話今次傷唔到人就無問題。」
事後,她已通知屋宇署及屋苑管理處,她稱,管理員派員跟進,發現單位走廊、儲物房等等天花都有「朴」的情況,為防剝落已即時鏟走批盪。被問留在單位會否擔心?她無奈稱:「都要焗住住啦,你點搞呀!而家邊個要負責都唔知,整係幫你整,但係好影響日常生活。」
華懋近年新盤都有天花批盪欠佳的問題,「蘋果驗樓」曾報道華懋發展將軍澳海翩滙3房單位,3間房的天花都有空心批盪。
記者:陳家雄
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
empty
九龍塘賢文禮士租客黃小姐住這個單位1年,前晚睡夢中因客廳天花批盪剝落巨響而驚醒。
empty
客廳天花剝落範圍愈剝愈大,整個起「朴」位置剝掉後,範圍有麻雀枱般大。
empty
她指,那不是一般油漆剝落,而是有一點石屎,是有重量。
empty
剝落碎片散落位置正是平日小朋友經常嬉戲的地方。
empty
她向管理處申報,其後管理處派員將單位其他潛在位置找出來,包括走廊。
empty
除了走廊,還有房間也有類似問題。