王宗堯、蓋世寶、應屆亞姐香港賽區冠軍羅思雅、鄧洢玲、胡渭康等今晚在銅鑼灣出席《豔舞大盜》首映禮，向來支持社會運動的王宗堯，工作方面受到一定的打壓，但幸好港台邀請他拍攝《獅子山下》：「有酬勞，佢哋開完個價，我話唔使咁多，因為佢哋一開始，以為個價要高啲，其實港台有個公價，每個演員都有個價係收開，加上呢段時間大家應該都冇乜工開，做番份內事就應該收番正常價，我覺得好好喇，難得有自己鍾意拍嘅嘢。」

對於王宗堯早前被警方以涉嫌串謀刑事毀壞及進入或逗留會議廳範圍罪名拘捕，於本月13日再度上庭，他說：「希望今次盡快完結件事，無論係咩判詞都好。」有否擔心上庭會影響之後接洽的工作？他表示：「所以有啲嘢都唔會傾得太實。」王宗堯現時最擔心是有家歸不得的「手足」，他說：「而家好凍，之前有人募捐衣物，我都拎咗3袋去，我都想再捐其他嘢，因為好多人冇屋企返，我覺得呢啲都要幫，同埋我覺得黃色經濟圈係要全方位。」

蓋世寶將為香港開電視主持音樂節目《一曲走天涯》，她笑言很想邀請偶像鄭伊健擔任嘉賓：「我默默支持佢，以前喺舊公司見佢嘅時候，我嘅眼神係令到佢好唔舒服，呆呆哋，想行埋去但又唔敢，不過其實製作組已經搵晒嘉賓。」談及有線早前炒30人，蓋世寶表示酬勞已傾好：「佢哋話拍之前收一半，拍完收埋嗰另一半，大家都講個信字。」她還透露稍後為ViuTV拍攝一個旅遊節目。

此外，對於亞視裁員一事，羅思雅表示出糧及活動如常，所以未受影響，但她透露亞姐全球總決賽現時仍未確定日子和地點。問到亞視有否就裁員消息安撫員工？她說：「冇特別講，我亦冇特別去問，我有家庭負擔，但我有網上平台，所以有少少收入，暫時靠呢個收入，有家用畀到媽咪，自己亦都生活到。」

採訪：黃曉妍
攝影：林賓尼

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇