汪明荃和羅家英今日到西九戲曲中心，出席「福陞粵劇團31周年紀念活動」記者會，宣佈9月尾會有10場粵劇演出，由阿姐和家英哥粉墨登場演出多套劇目，包括《帝女花》、《紫釵記》及《天仙配》等，家英哥在台上介紹時表示：「喺《天仙配》入面汪明荃同梁兆明係「婆孫配」，不過做大戲嘅人好着數，化咗妝70歲都可以變廿幾歲。」引來全場大笑，家英哥又開玩笑說，在《德齡與慈禧》一劇中阿姐飾演慈禧：「佢做完慈禧後我幫佢改咗花名，就係「太后」，幾有威嚴。」台下繼續爆笑。

汪阿姐表示83年第一次演的粵劇就是《天仙配》，後來演《穆桂英大破洪州》更識到家英哥：「後來佢仲成為咗我先生，所以呢套好有紀念價值。」現在更成了八和會館主席，直言對粵劇更難捨難離。兩人受訪時講到要9日演出多場表演，阿姐坦言怕體力問題：「都有啲擔心，所以各方面要操下，一直都有做運動。」家英更坦言：「盡量啦，我都差差地，要練氣、打太極、走圓檯，過幾日又要上橫店做嘢。」

講到今次選址戲曲中心，阿姐表示場地是她們業界爭取多年來的成果，故此定要試試踩台。談到對場地的感覺？她表示：「好似空間太多，唔多似睇戲曲，後台唔夠大，感覺唔似戲曲咁熱鬧嘅氣氛。」

-----------------------------
7月4日起 《蘋果動新聞》只限升級壹會員閱覽
繼續撐蘋果！