【莫可欣張嘉兒摘冠】港姐冠軍準則係啲乜 吳婉芳竟然輸俾佢？

蘋果日報 2017/09/07 00:02

張名雅陳庭欣張嘉兒吳婉芳李美珊香港小姐競選
    香港小姐競選自1946年開辦開始，「美貌與智慧並重」一路以嚟都係香港小姐最重要嘅選擇標準，而當中更加係出過唔少代表到香港女性嘅藝人，好似有郭藹明、郭羨妮、楊婉儀等。之不過，歷年香港小姐都有出現過唔少備受爭議嘅冠軍人選，被外界批評「智慧唔知，但係美貌差啲」，好似93年港姐冠軍莫可欣咁，連方中信自己都話老婆莫可欣係唔靚但心地好。而今年嘅競選賽制更加係被網民瘋狂討論。（新聞連結： http://bit.ly/2eFyuFK ）
    張名雅
    2012年參選香港小姐嘅張名雅可是話係近年備受爭議嘅冠軍之一，舅公係著名導演張堅庭嘅佢，當年參選時就被挖出唔少學生時代嘅相，更被指整容，奪冠後有唔少網民指亞軍嘅黃心穎同季軍嘅朱千雪更加值得奪冠。
    陳庭欣
    2010年嘅冠軍陳庭欣，當年以爆冷姿態奪冠，更加爆出佢當時迷倒贊助商之一，康泰旅行社嘅太子爺黃進達，繼而被各界網民圍插，指責賽果不公，仲嘲笑佢一笑就似足余慕蓮。
    張嘉兒
    2007年撼低同屆嘅何傲兒同王君馨，一舉成為港姐冠軍嘅張嘉兒，當年令成個香港都轟動，有網民將佢貼上日本討論區，之後更有日本網民表示不如將「香港小姐」改名做「香港豬扒小姐」，令張嘉兒當年被稱「豬扒港姐」。
    李美珊
    不過如果要講到引起熱議嘅港姐冠軍，就一定係1986年嘅李美珊，作為首位碩士港姐，仲識多國語言嘅佢，成功打敗同屆嘅吳婉芳，智慧方面無庸置疑，不過喺美貌方面，廣大市民就普遍認為吳婉芳更勝一籌。
    empty
    empty
    張名雅奪冠後有唔少網民指亞軍嘅黃心穎同季軍嘅朱千雪更靚。（資料圖片）
    empty
    2012年參選香港小姐嘅張名雅可是話係近年備受爭議嘅冠軍之一。（資料圖片）
    empty
    舅公係著名導演張堅庭。（資料圖片）
    empty
    亞軍張秀文、冠軍陳庭欣、季軍莊思明。（資料圖片）
    empty
    2010年嘅冠軍陳庭欣，當年以爆冷姿態奪冠。（資料圖片）
    empty
    網民嘲笑佢一笑就似足余慕蓮。（資料圖片）
    empty
    2007年張嘉兒撼低同屆嘅何傲兒同王君馨，一舉成為港姐冠軍。（資料圖片）
    empty
    當年網上一片嘩然之聲。（資料圖片）
    empty
    「豬扒港姐」就成為當年熱話。（資料圖片）
    empty
    不過如果要講到引起熱議嘅港姐冠軍，就一定係1986年嘅李美珊。（資料圖片）
    empty
    佢係首位碩士港姐，仲識多國語言。（資料圖片）
    empty
    李美珊成功打敗同屆嘅吳婉芳。（資料圖片）
    empty
    吳婉芳（資料圖片）
    empty
    方中信自己都話老婆莫可欣係唔靚，補充，心地好好。（資料圖片）