一向敢言的張敬軒（軒仔）算是少數關心時事的香港藝人，早前與黃秋生合唱社運歌《問誰未發聲》鼓勵港人勇於抗爭，又曾呼籲港人參加7.1遊行。近日11間大專院校及學民思潮發起在本月底罷課，不過反佔中大聯盟設舉報熱線，並鼓吹朋輩間互相告密；中大校長沈祖堯則表示對罷課行動會提供適切的幫助和支援，會尊重罷課學生的訴求。
軒仔前晚在會展「迪士尼90周年音樂會」上，發表對罷課的看法，他說：「我覺得學生喺佢哋投身社會之前，其實喺一啲社會性的大是大非當前，係有空間去表達佢哋自己嘅訴求，或者俾佢哋參與一啲社會話題，我覺得係好嘅，因為我哋喺內地接受教育嘅話，係完全冇呢個機會，我哋連選票都未見過。」

泳兒性感露半球

有關反佔中大聯盟鼓吹舉報罷課學生，軒仔說：「我覺得好多餘呀！作為大人，我覺得唔好咁緊張啲小朋友做啲乜嘢先，好多時候畀啲空間，湊細路仔都會俾佢發吓脾氣，或者會畀啲自由度佢，好過攞個籠困住佢。」
在音樂會上，每個歌手都悉心打扮成自己喜歡的卡通人物，泳兒穿上藍色透視bra top裙扮成公主，不過，bra top的尺碼似乎太細，泳兒不經意露了南半球，異常性感，泳兒說：「係張敬軒託朋友借，人生第一次着到咁。」迪士尼的音樂會有不少孩童，會不會嚇壞小朋友，泳兒說：「𠵱家小朋友勁過我哋，相信佢哋會鍾意公主打扮。」
李克勤和陳慧琳合唱多首經典迪士尼動畫主題曲，克勤經常取笑譚詠麟不記得歌詞狂𥄫字幕，怎料同樣事件會發生在克勤身上，當他唱英文歌時狂𥄫字幕，難怪克勤自嘲：「譚先生都話他朝君體也相同。」
採訪：盧妹
攝影：陳志嵐