姚本輝今季嘅成績相當唔錯，目前為止已經贏咗八場頭馬。 今次嘅夜馬賽事輝哥只係派出「駿擊快車」及「千真萬確」兩匹馬出賽， 實行精兵策略。 今朝早七點半嘅時候輝哥响欄邊睇住兩匹馬喺機坪踱步， 隨後跟住出烽火台督操， 最後返機坪接馬， 動態甚為積極。 輝哥今期兩匹戰駒上季都曾經喺快活谷有過好表現， 今趟值得捧場。