曾志偉噚日突然宣佈辭去演藝人協會會長一職，志偉就話：「如果一個人代表個會，承受壓力太大。」唔少圏中藝人對志偉辭任一事深表愕然，劉嘉玲都話：「咁大件事？要問問佢先。」

而今日志偉嘅好朋友譚詠麟，就喺微博力撐志偉，佢貼咗一張有關志偉辭職報道，仲打咗句：「有多少人會明白志偉感受？﹗﹗」

過咗一陣，阿倫再喺微博送歌：「送一首改裝版（《無奈》）撐你:你本應想要淡然去，無奈此去不易，看著你一臉茫然與眼中困惑，瀟洒的轉身去！做你覺得舒服的事吧，志偉撐你！」實行力撐志偉。