事隔大半個月，阿成對於妻子譚珍無端慘死，仍顯得耿耿於懷。「𠵱家意外原因重係一個謎。阿珍份工唔係搵得多，就咁冇咗條命真係唔抵。我哋結婚二十幾年，感情一直好好。阿珍份人好慳儉，原本諗住做多幾年就可以享福，今次佢真係可以話係捱到死。」阿成沉痛訴說。
阿成表示，其妻阿珍受聘於一間清潔公司，該公司承包了中華電力公司的清潔合約，其妻多年來均在屯門龍鼓灘發電廠從事清潔，月入四千多元。

被電閘夾傷不治
意外發生於上月十八日下午，當時正值午膳時間，同事發現阿珍在機房被一道巨型電閘夾住，昏迷不醒，即時致電報警將她送院搶救，惜已傷重不治。
「當日我收到太太領班通知，佢話我太太俾道門夾親，我唔知咁大件事，去到醫院先知太太已經唔喺度，當時我好激動，好難接受太太突然之間離開我嘅事實，仔女最初幾日心情都好差，呢幾日至好番啲。」五十三歲的阿成說。