韓劇《感激時代》嘅31歲男星金賢重大前年捲入是非，喺入伍前被爆暴打前女友，令佢形象跌至谷底，點知今年退伍後又涉酒駕被吊銷駕照，令大眾對佢勁反感。

雖然形象咁差，但金賢重都懶理批評，今年4月喺韓國舉行完粉絲見面會後，之後就一直喺日本活動，而噚日韓國傳媒就報道，金賢重同事務所開會後決定將會喺韓國展開活動，今次復出將會集中喺音樂方面，會推出專輯及做演唱會，但就無意拍劇拍戲，唔知佢係唔係怕形象太差，拖累劇集收視同埋電影票房呢？