中央終於推出救市措施,中港股市應聲而上,不過沈振盈認為,刺激港股向上主要動力來自美股,但A股下跌空間有限。朱紅指,追捧A50中國基金(2823)認購證投資者明顯增加。
沈:沈振盈 朱:朱紅 孫:孫柏文
孫:中央不但不打壓股市,反而出救市措施。
沈:刺激港股升主要動力應該係美股多於國內政策因素。而中央出得政策,我覺得A股再下跌空間唔多。
朱:窩輪投資者仍熱炒A50認購證。A50窩輪街貨量過去一星期都有上升趨勢,反映一批投資者預期A股3000點位置差唔多見底。
孫:A50買唔買得過?
沈:現水平買得過,A股曾經回一回,但未到打和或者倒跌,相對較強,A50都會跟A股走勢,若A股偏軟,回番低少少亦正常。
孫:兩家大陸電訊公司出咗數據,係咪時候買電訊股?
沈:可以買。中移動(941)業績最靚,暫時競爭對佢影響唔大。問題係睇吓電訊業重組方案傾向中電信(728)會出嚟自己發展流動電話嘅業務,呢個會對佢長遠嘅業績利好。
朱:中電信認購證呢兩個星期特別多投資者留意,上星期有一隻中電信嘅認購證宣佈加印。