噚日有深圳模特兒公司職員爆料，話亞視俾入圍嘅亞洲先生每人三千蚊，唔知係當交通津貼定係利是定係酬金喇，就連模特兒出身嘅冠軍朱曉輝，唔止被揭逾期居留，原來仲曾「露雀」拍三級片。

今日葉家寶出席亞姐淘汰賽時，就話亞洲先生收嗰三千蚊，係用嚟洗衫同打電話；又堅稱朱曉輝冇露過：「人紅自然多人妒忌，係藝術既亞視都會支持。」對於王維基前日寸亞視零收視，葉家寶死撐：「零收視亞視未發生過，有啲人別有用心。」