傳聞已久的Nike2015AirMag終於曝光，這對懂得自動綁帶的未來波鞋是不少鞋迷和電影迷的真正"dreamshoes"，而Nike更把天字第一號2015AirMag送給了《回到未來》的男主角MichaelJ.Fox。不過如果你都想要一對，就真係有心理準備付出「天價」！事關Nike官方已經宣佈2015AirMag將會跟2011年版一樣限量推出，並只會以拍賣形式發售，雖然未有講到總共會出幾多對，但相信絕對是超限量。如果你有留意上一代AirMag，雖然未有自動綁帶，炒價已經嚇死人，今時今日上ebay，炒價仍約六萬至十幾萬不等，此2015AirMag更進一步貼近原著，有幾炒得自己想像。不過Nike亦公佈，2015AirMag的拍賣收益會捐給MichaelJ.FoxFoundation作治療柏金遜病的研究之用，有興趣又有錢的你不妨參與拍賣，買得"dreamshoes"之餘又可做善事，何樂而不為？消息就話拍賣詳情將於2016年初公佈，記得留意！


記者：韓繼聰