蘇偉賢馬房暫時為止取得20Win，餘下約三份一賽期，欲超越上季56場頭馬談何容易，成績大跌下，呢位華倉主理人近日扭盡六壬，旗下戰駒特別加緊備戰之外，且頻與多位騎師研究軍情度計，晨課上舉動多多，睇動態擺到明要追數。

以今朝（24日）為例，活躍於烽火台及沙圈之間嘅表情王（蘇偉賢），當一眾周日（25日）沙田參戰馬魚貫往內圈出踱時，如「同得福」及「喜得福」等，都跟到實打點，並睇實各匹戰駒出踱過程，緊張萬分，睇嚟今期賽事屬目標所在。另外蘇偉賢與沈拿合作「海洋王」，兩人亦有密斟。