韓國女團Secret原本有四位成員全孝盛、宋枝恩、鄭河娜及韓善花，韓善花於前年已約滿TS事務所並退出Secret，只剩下三名成員。

不過近日成員卻同公司陷入官司糾紛中，當中去年宋枝恩同全孝盛都向法院申請「終止專屬合約」。而日前事務所方面就否認組合解散，但今日成員宋枝恩就喺網上單方面宣佈將會退出組合，並指去年佢向法院申請專屬合約無效，法院已接受佢嘅申請，並判定佢同公司嘅協議無效。

隨後事務所方面就否認宋枝恩嘅說法，話公司唔同意法院嘅判決，同時又宣佈將會對全孝盛及宋枝恩採取法律行動，並指公司一直都好支持成員嘅活動，不過喺合約期內，二人就失去聯絡，並表示成員要履行合約，完成組合及個人活動。同時強調若成員喺公司未許可下擅自進行演藝活動，公司將採取強硬措施，提出法律訴訟。

更多韓流，喺晒《娛果》
http://fb.com/appledailyent