當年今日
關於我們

【演協風波】選會長流會秋生被拒諸門外邵音音發火:「惡勢力大晒﹗」

蘋果日報 2014/01/14 06:00

黃秋生邵音音

由2005年開始擔任演藝人協會名譽理事嘅,年屆68歲嘅邵音音,噚日喺微博爆大鑊,音音姐大動肝火話:「今(昨)天選會長去到流會。曾志偉還在飛機上,誰權力大到叫流會?敢作不敢認,一人獨大。就為了怕某人當上會長。部署得很好。不像話。太可惡!」

而被推舉嘅黃秋生,噚日朝早竟然被拒諸門外,火爆嘅秋生更開名狂插秘書長陳芷菁騎劫演協,又話佢一人獨大,秋生仲喺現場「典地」,引起唔少風波。

事後陳芷菁就回應:「會員要有兩個現任理事或會員支持,至可以做候選人,秋生帶咁多人嚟至填表,如果再擺佢上去候選,我哋就係黑箱作業!拒諸門外更對我哋唔公平,莊思敏、敖嘉年、曾國祥、蘇玉華都有入嚟,後來秋生叫咗佢哋去飲茶,因為佢嘈,我哋理事經商量決定流會,等埋佢哋嘅表格。」

至於音音姐噚晚到今日,繼續喺微博發功,講到秋生慘食閉門羹,音音姐噚晚喺微博咁講:「演藝人協會的秘書長是陳自強。演藝人協會是曾志偉買的會址。歡迎所有會員。以我理解,某人對付秋生,不讓他參選會長。因為他最有可能選上。這祇是我的想法。既然曾志偉認同這件事把全部演員趕出去是對的,會址是他買的,我無權評論。對我來說,這是讓人寒心的事。但我還是選擇尊重曾志偉的決定。」

之後音音姐再連珠發炮:「世界賓(邊)有公道正氣,惡勢力大哂!」﹑「背後大就大㗎大啦!口袋有錢賣什麼都可以。賤!賤人最大。人總是崇拜自己作不到的。」﹑「沒有公平。只有誰有錢誰有勢。鵝鵝鵝!鴨鴨鴨!」

睇嚟呢單嘢仲有排搞。