【《MAMA》紅地毯】宋智孝性感誘粉絲 SJ廣東話冧港迷
MAMA紅地毯
韓國年度樂壇盛事《MAMA音樂頒獎禮》今年分三地舉行舉辦為期一星期嘅慶典活動,並先後上周六先喺越南舉行,前日就移師到日本舉行,今晚就壓軸喺香港亞博館舉行。今晚舉行頒獎禮之前,一眾嘉賓先現身紅場地毯,莫文蔚同王祖藍行完紅地毯之後就到南柱赫同志洙出場,之後就到神劇《太陽的後裔》嘅金玟錫同韓劇《雲畫的月光》嘅金裕貞出場,金裕貞以一條露肩粉紅色裙現身紅地毯,佢自言鍾意TWICE,金玟錫則指自己鍾意BTS(防彈少年團),仲即場唱咗幾句BTS嘅歌。
緊接就到金賽綸出場、女團臉紅的思春期及女歌手Heize。安宰賢就伴實朴珠美及男團Dynamic Duo到場。宋智孝出場全場粉絲都發出尖叫,智孝雖然包到實,但原來都有隱藏性感,十分誘人。韓劇《愛情的溫度》金材昇就同趙寶兒一齊出場。
到男團Super Junior(SJ)登場,成員東海、利特、希澈、藝聲、銀赫及神童齊現身紅地毯,佢哋事隔多年合體來港,全場粉絲勁尖叫。不過早前因愛犬涉咬死人嘅始源就未有隨隊友現身,利特一出場好識做,即用廣東話「你好,我哋係Super Junior」同大家打招呼,又講「多謝」,非常識做。東海表示好緊張,隨後東海再同普通話講:「多謝你們的愛,非常很開心。」
更多韓流,喺晒《娛果》
http://fb.com/appledailyent