莊端兒、趙哲妤同筱靖等人今日喺九龍塘出席電影活動，莊端兒着住條紅色連身裙現身，打扮得比較密實，佢話：「又唔使成日拎出嚟，嗰日係工人姐姐幫我拎衫，我唔知佢拎咗乜。今日佢問我使唔使要性感，我答唔使喇，因為係卡通片，合家歡時間。」嚟緊聖誕，佢話會去朋友屋企開party，仲約埋心儀男仔同行，佢話自己買咗男裝褲，希望對方抽中。

至於非常老友嘅趙哲妤同筱靖就話因兩人太忙，一直未夾到時間旅行，佢哋打算無論如何明年相約到馬來西亞旅行，筱靖話：「因為佢個女喺馬來西亞出世，而且喺嗰邊坐月，啲姐姐都好掛住佢哋，所以返去玩。」趙哲妤則謂女兒從未睇過香港嘅聖誕樹，打算今年帶女兒到唔同嘅商場欣賞拍照。

精選娛聞，喺晒《娛果》
http://fb.com/appledailyent