【本報訊】斥資20億港元打造的澳門新濠天地大型水上滙演《水舞間》，去年12月因技術故障一度停演九場，昨日再度發生臨場停演事件。數千名觀眾入座後等候欣賞表演之際，主辦單位突然宣佈停演，又未有指示觀眾分批離開，險釀人踩人。
港人阿Paul半個月前經旅行社花了1,360元，預訂兩張昨日下午5時的《水舞間》門票。他指進場後發現全場爆滿，但等候半小時仍未開場，之後有工作人員突然說因技術故障，腰斬表演，觀眾可到場外櫃位退票。

無分批離場指示秩序亂

阿Paul說：「現場秩序好混亂，完全冇人指示觀眾分批離開，啲觀眾一窩蜂衝出劇院，有老有嫩，好危險。」他表示離開劇院後，大家逼在大堂等候退款，其間沒工作人員協助排隊，場面十分混亂，「最激氣外國人唔使排隊就可以去櫃位退錢，華人就冇人理」。他說排隊期間向現場保安人員查詢退票手續，一直不得要領，「佢哋完全唔答，我排咗三個鐘頭去到櫃位，職員先話320元票賠700元，680元票賠1000元，我專登嚟睇show，咁樣賠連船票都補唔番啦。但係職員好無禮貌話『要就要，唔要就算』。」