雖然彥仔可自理大小二便,但姨婆無時無刻要照顧他的生活所需,身心俱疲。「好似帶佢出街,攞人哋便利店啲嘢,佢順手攞唔識,要成日睇住佢……」彥仔食不知飽亦令姨婆大傷腦筋,「佢成日偷嘢食,𠵱家廚房門都要鎖住……去茶樓佢仲緊張,驚啲點心去咗隔籬枱……食早餐已經問定下晝食乜嘢。」
有一次姨婆教識彥仔開門,未料彥仔一日內出走八次去找鄰居要食物,「佢話好肚餓,食咗人哋八碗飯」。當遇到彥仔情緒失控時,姨婆更是一籌莫展,「一句唔畀佢食已經可以大發雷霆,又唔知佢幾時發脾氣」。今年初彥仔獲安排到地區支援中心學習,但3月時他不知何故在中心搗亂後再沒上堂。上月底兩人到黃大仙逛街時,彥仔突然發脾氣追打她,最後要「警察嚟到佢先靜晒」,姨婆說時仍激氣得流下淚來。
姨婆透露過去因為照顧彥仔辛若而一度患上情緒病,幸求助後「諗通咗」,「唔緊要啦,人哋教一日,我教一年囉,湊吓湊吓日子就過咗。」不過隨着年紀漸長,她擔心日後難再照顧彥仔,姨婆強忍淚水說︰「我希望佢走先過我!」她說得悲觀:「小胖威利症唔會好長命,可能30幾歲就會走,仲有十幾年,咪走埋落去囉,唔好諗咁多。」