超級英雄新片《蝙蝠俠對超人：正義曙光》（BatmanvSuperman：DawnofJustice）即將上映，「蝙蝠俠」班亞弗力（BenAffleck）、「超人」亨利卡維（HenryCavill）、「神奇女俠」姬嘉鐸（GalGadot）聯同導演薩克薛達（ZackSnyder），噚日就去到墨西哥展開宣傳。

班亞弗力之前話囝囝Samuel知佢演蝙蝠俠勁興奮，不過因為部戲始終都係PG-13嘅兒童不宜觀看級別，班仔近日受訪時就話唔會俾Samuel睇晒全套《蝙蝠俠對超人》，怕阿仔會發惡夢，換言之囝囝唔可以第一時間睇到佢嘅演出，但班仔話之後會俾囝囝睇一個刪走啲會嚇親小朋友戲份嘅刪剪版本。