當年今日
關於我們

【偷偷影相留念】吳謹言落機即捧場 JJ台上大喝:魏瓔珞誰叫你這麼大膽

蘋果日報 2018/09/24 11:00

演唱會林俊傑吳謹言

林俊傑噚晚喺紅館舉行一連三埸《JJ林俊傑聖所世界巡迴演唱會》香港站,頭場獲剛抵港宣傳的吳謹言、何超蓮、傅嘉莉、關楚耀及黃心穎等捧埸,舞台為三面台,演唱會於8時35分開騷,頭戴黑面具嘅林俊傑,一出場以蝙蝠造型倒吊在離地約廿呎高空上,獻唱《一千年以後》。
唱完頭三首歌後,JJ除低黑面具,以廣東話先同觀眾打招呼「大家好,我係林俊傑。」跟住以國語表示來到世界巡迴演唱會第27站,亦係香港嘅第一站,他說:「你們期待嗎?等很久嘛?我也等了很久,能夠再來到香港紅館舞台。讓我非常感動,每次有不同感受、有不同成長,希望令你們看到不一樣的我,這段時間堅持、努力的成長,在這聖所看好不好,聖所是有你和我一起創造故事的地方。」
JJ今次紅館舞台變動性強,除咗出場倒吊現身外,台上亦有大大小小升降台,台後巨型屏幕亦會配合歌曲向兩旁擴展。一口氣再唱到演唱會中段,JJ問大家覺得好聽嗎?合唱得開心嗎?之後佢希望感受吓紅館歡呼聲,全場即發出熱烈叫喊聲,JJ即表示:「有一點感動,我要表現對你們的感謝,我要彈鋼琴。我發現今次舞台跟你們很近,你們每一個人的表情,我也看得很清楚,有時眼對眼對望一樣,令我有點害羞,若果你們看見我傻笑,就知道我便是害羞,當我尷尬的時候,我就會躲在樂器後面,令自己淡定一點。」佢指當年來香港宣傳時,特別將一首中文歌曲改編成粵語歌曲,渴望令觀眾認識自己,不過今晚佢還是表示乖乖唱國語歌比較好,跟住自彈自唱《她說》。
嚟到香港站,JJ話要帶咗啲小禮物俾觀眾,只見佢喺鋼琴前表演緊張,仲要鬆一鬆膊頭叫現場觀眾俾鼓勵,跟住就彈唱出陳奕迅嘅《明年今日》,不過就有少少甩嘴,唱完佢就儍笑問觀眾唱得好唔好。佢指自己講咗15年廣東話仲係需要繼續努力,佢又偷偷笑住話:「今晚要請來一位劃時代、劃空間的朋友,我從來沒有給人這樣戲弄過,魏瓔珞誰叫你這麼大膽,他再自彈自唱出《醉赤壁》。」
JJ又再分享每次來港都會煩惱的一件事:「食咩呀,真係好多好嘢食呀,每樣嘢都好食,永遠都抉擇不到,究竟『波囉友』,係『菠蘿油』,仲有『奶有豬』,『奶油豬』,今晚還是讓大家為我抉擇,我將左邊觀眾叫『菠蘿油』,右邊叫『奶油豬』,那一邊唱得好,我便吃那樣。」唱畢《小酒窩》後,佢指兩邊也唱得好,很難抉擇,但兩樣都吃便變肥豬。
到了安哥環節,JJ再次多謝前來嘅觀眾,佢知道歌迷買飛唔易,佢話:「我從來沒想來香港三場門票瞬間賣掉,代表下次可辦更多埸,我會努力,下次如果再來要辦幾埸?(觀眾叫十場)。那麼辦十場你們來嗎?我努力。」而「魏瓔珞」吳謹言欣賞到尾二首歌就離開,佢全場睇得得非常投入開心,更忘記現場禁止攝影嘅規定,曾以手機拍攝台上JJ風采。最後JJ親自答謝來自世界各地觀眾,再以《不為誰而作的歌》作結尾歌,演唱會晚上11時25分結束。
精選娛聞,喺晒《娛果》
http://fb.com/appledailyent
相關新聞:
【林俊傑香港開騷】吳謹言親到紅館捧場 觀眾見魏瓔珞全場起哄
http://bit.ly/2DobFFZ
empty
(攝影:仇志德)
empty
包到實倒吊。
empty
林俊傑以蝙蝠造型出場
empty
真係好有心思。
empty
破繭而出嘅JJ戴住黑面具跳舞。
empty
empty
林俊傑以廣東話同觀眾打招呼
empty
唱咗三首歌先除低。