虛擬銀行WeLab Bank（匯立銀行）噚日推出9.8厘嘅快閃定存優惠，吸引用戶蜂擁登入，系統癱瘓咗個幾鐘，都算係開張以嚟首次。行政總裁（CEO）謝學海（Adrian）今日就向用戶公開致歉，唔單止咁，受影響嘅客戶仲會收到Deliveroo電子優惠券，有承擔過好多經常壞機當食生菜，亦唔會道歉嘅傳統銀行。

Adrian話，好多人認為道歉是世上最難事之一，but this is not WeLab Bank！佢就公開就噚日系統人流過多導致系統失靈事件道歉，並解釋返事件因由，仲講埋會點樣改善，包括增加平台嘅容量及運算力，簡直係當客戶係自己嘅Boss一樣，但亦不亢不卑。

華華噚日故障期間都有登入失敗過，結果今晚收到「WeLab Bank 請你食個tea」嘅e-mail，原來係送返50蚊Deliveroo電子優惠券補數，算係好唔話得。

其實近年唔少銀行、券商都經常喺股市成交量極高時，手機銀行都會登入失敗，不過有啲傳統銀行習以為常，道歉都慳返，叫大家轉用Desktop登入算數喎，真係豈有此理，華華覺得WeLab Bank嘅態度好值得其他行家學習。

李華華

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道，深入社區，踢爆權貴，即Like蘋果專題及調查組FB專頁！