謝偉俊白韻琹 十指緊扣拉頭馬 網上評馬人：以為佢帶阿媽入場咁孝順
謝偉俊白韻琹源源動力
立法會議員謝偉俊名下愛駒「源源動力」，今日（6日）喺沙田馬場第七場四班1200米爆冷贏馬，賽後見到盛裝出席嘅阿Paul，同太太白韻琹十指緊扣一齊拉頭馬。
本來拉頭馬絕對值得開心，但某網上節目評馬人一見二人正面合照，忍唔住爆出一句「驟眼睇以為謝偉俊咁孝順，帶埋阿媽嚟拉頭馬」，惹得其他主持哄堂大笑。
阿Paul今年62歲，但大佢15年、人稱白姐姐嘅白韻琹，今年就快77歲，阿Paul個樣生得後生，搞到確實睇落甚似兩母子，又難怪某評馬人睇錯。
謝偉俊話白姐姐曾養過一匹馬叫「小燕子」贏過四場，今次「源源動力」贏馬，相信係因為白姐姐入場帶好運畀佢。
「小燕子」喺2001年贏馬後退役，相隔廿年後，兩夫婦今日卒之憑個人名下馬再次拉頭馬。
「源源動力」係澳洲五歲馬，上季到港後因為骨盆受傷，搞到今季先可以出賽，之前跑咗七場最叻只跑第四，今日終於識贏，獲得57萬頭馬獎金，累積獎金增至76萬。
-----------------------------
借錢點先可以賺到盡？梗係要現金回贈越多越好啦！只要喺 2021年4月1日至2021年6月30日期間首次提取貸款，可即場獲獎賞現金高達港幣$5,000 ▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日 (包括首尾兩天)
須受條款及細則約束，詳情留意邦民日本財務(香港)網頁。