馬季已經過了接近一半，暫時仲有兩位練馬師頭馬數字處於個位數，相對而言，由於洋名米高之鄭俊偉，並無於從化設廐，現時累積8Win的他，只需在馬季餘下時間多取八場頭馬，便能成功達標。

不過話難唔難，話易唔易，每次出賽機會都相當重要。今晚鄭廐出馬五匹，不乏爭勝機會，其中第一場五班1200米「金剛秀」，繼續由五班救星潘頓壓陣，鬥志鮮明可再捧場。

「金剛秀」長期徘徊五班，實力當然有限，不過尺寸馬留得好，往往有一段良好追勁，於五班夠使夠用，前季在莫雷拉胯下勝出後，苦戰至上仗才由潘頓爭取到第二場頭馬，真正高手才能發揮應有實力。

「金剛秀」上仗入直路仍在中後段，但潘頓相當老定，不慌不忙催策上前，結果點到即止輕取對手。潘頓經驗老到，對一匹低班馬如此有信心，相信加五分不會有阻力，亦因而冠軍騎師肯再度效力。

跑馬地上次採用C欄是1月23日，當晚除超班的「擁抱所愛」前置取勝外，其餘頭馬都是後發先至，場地利後上對「金剛秀」自然更加有利，鄭俊偉安排此駒及另一匹五班機會馬第二場五班1800米之「為善聚樂」，於今晚一同出賽不無道理，希望他能夠憑兩駒取得寶貴頭馬。

-----------------------------------------
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI