邵音音早前重提到當年患上皮膚癌但仍堅持生仔一事，消息一出大家都好關心音音姐，不過音音姐就話人生就係咁，人好多突發性困難都要面對，仲叫人唔好問佢第幾期。（新聞連結： http://bit.ly/2kv3mvi ）

邵音音今日晏晝同演唱會製作人白倩蘭（Priscilla）到新城接受薛家燕訪問，順道為明年1月2、3號舉行嘅慈善音樂會做宣傳。音音姐話同家燕姐相識幾十年：「以前一齊登台演出，今次邀請我上嚟都係傾下偈，同埋借機會同各位講我OK無事。」

問到音音姐使唔使練歌？佢有型咁話：「唔使！訓練咗十年，好似講嘢咁，你會唔會幾日唔講就唔識講？」音音姐又話今次演出歌手們全部都相識幾十年：「好開心為慈善喺新年又聚埋一齊，感覺當年我哋唱劇院咁，一齊食飯盒、飲礦泉水，喺後台吱吱喳喳，大家o依家都係耆英，可以回味一吓嗰種生活。」

音音姐又話聖誕已約好一班朋友燒烤慶祝：「最緊要見吓老朋友，喺唔需要顧忌之下亂跑亂跳亂唱亂嗌，如果公眾地方就好拘謹，佢哋搵朋友屋企過聖誕迎新年。」

更多娛聞，喺晒《娛果》
http://fb.com/appledailyent