【冇乜知名度】蘇慧恩入行3年想放棄 畀朋友用粗口激勵
蘋果日報 2019/12/05 15:07
蘇慧恩
（攝影：盧妹）
蘇慧恩早前因社會氣氛不穩，取消新歌《一馬平川》的發佈會。今日蘇慧恩到新城受訪，透露新歌發佈會將訂於本月17日舉行：「我之前以為cancel咗就冇，好彩公司好錫我。呢首歌係想帶啲正能量畀大家，我有個做保險嘅朋友，呢排生意唔好，連交租都有問題，佢打嚟同我講聽完首歌舒服咗，我好開心。」
她表示原定上月的發佈會，有3位來自廣州的歌迷特意到場送上驚喜，故取消活動感很内疚：「我都有私下同佢哋講唔好意思，今次準備定聖誕禮物送畀佢哋。」蘇慧恩笑言自己是「不死小強」，入行3年，雖然人氣不高但仍堅持：「好多朋友入咗行1年就離開，我都曾經諗過放棄。嗰時聽到啲好難聽嘅說話，嗰句唔出得街㗎，番到屋企就喊住同爸爸講想唔做。爸爸話冇理由入行2年就放棄，電視台大把人捱得仲耐，幸好傳媒、朋友都好錫我，我有個朋友直頭講晒粗口鬧住激勵我，我而家目標係38、9歲前，有首歌係大家都覺得好聽嘅，紅歌唔紅人都好。」她笑指今天已33歲，還有5年時間努力，所以現時不會考慮結婚，要為事業瞓身拼搏。
採訪、攝影：盧妹
蘇慧恩自稱是「不死小強」。