齋喺上年頭五個月,保利達預售部份項目,已經過百億銀,係成間保利達總市值44億銀嘅兩倍以上。又喺上年6月份,報載主席柯為湘話,有信心喺2013年keep住百億銀以上銷售。保利達肥仔水。
真係係咁意保守計數,成個項目都起碼增值/獲利70億至80億銀,保利達每股獲利1.8元,折合現價(1元)PE,喺1倍樓下,得0.5倍;而NAV增值到4.2元,折讓高達76%,平到笑。
雖則話,呢批物業銷售,要到2016及17年先反映,但保利達大股東九建(034),揸咗保利達73%權益,呢一點,對保利達會提早派息,就有好大憧憬。
同行中,德祥地產(199)五年升咗5倍,現價企近五年新高,但息率回報仍然高達7厘。睇番盤數,德祥地產由2012年度開始派高息,相信好大理由係,佢喺澳門物業預售好景,提早派息回饋大、小股東。保利達有同樣誘因及咁優厚條件,成為德祥地產翻版。
買保利達,中線博升1倍到兩蚊,PB得0.46倍,博升1.5倍到2.5元,PB仍然得0.59倍。