鄭伊健、謝天華、林曉峰及陳小春，今日喺商台為十一月舉行嘅《歲月友情》演唱會接受訪問，不過小春遲大到，足足遲咗四十五分鐘先到。

對於今次舞台，伊健透露係四面台，但就機關重重，佢哋都擔心太危險會拗柴，仲自嘲有返咁上下年紀。

咁會唔會請女嘉賓？伊健坦言好想請「細細粒」黎姿，伊健話：「但應該唔使諗，仲有李嘉欣﹑舒淇同莫文尉都想請。」咁各人太太會唔會上台，伊健話：「佢哋只負責分演唱會飛。」

三人更呼籲入場入士需穿得較得體，伊健說：「因為今次我哋會邀請台下觀眾上台玩，所以嚟睇show就著得好少少。」