由韓國女神全智賢跟「長腿oppa」李敏鎬合作嘅新劇《藍色海洋的傳說》預計於11月16日播出，而日前劇組已經開始進行拍攝測試，下月初全智賢跟李敏鎬更將一齊飛去西班牙進行外景拍攝，預計會以克羅地亞嘅度假村為故事背景，進行15日嘅外景拍攝，內容係兩名主角令人印象深刻嘅初次見面嘅故事。

另外，全智賢嘅事務所今日透露，全智賢為咗演好人魚一角，近日正努力進行游泳練習。

而劇組大前日已於首爾上岩洞進行初次拍攝測試，於公開嘅照片中就見到李敏鎬一人參與拍攝，唔知幾時可以見到佢跟全智賢嘅合照呢？