馬浚偉、江欣燕及李龍基等，今日喺會展出席《粵港澳大灣區旅行社酒店及餐飲業聯盟》成立嘅活動，其中馬仔有份主演嘅《深宮計》日前播出佢同周秀娜大婚兼洞房嘅戲份，當中馬仔好粗暴咁撕爛娜姐套衫，唔少網民問馬仔點解撕爛咁少，馬仔笑言：「因為電視台嘅尺度問題，喺拍攝時亦有傾過，曾經有想過再粗暴啲，不過始終因為尺度唔高所以冇咁做。」

馬仔又話：「同埋劇集背景設計係唐朝，古代人咁多衫，要撕爛都有排撕，而且都要尊重娜姐，但娜姐亦係一個好尊業嘅演員。」講到劇集網上點擊接近15億，啱啱喺網上分享完自己童年裸照嘅馬仔就話：「希望到20億就到小青姐同胡定欣分享佢哋自己細個嘅照片。」重許下承諾話如果夠30億就會分享一張同胡定欣嘅絕密性感相。

精選娛聞，喺晒《娛果》
http://fb.com/appledailyent