日本TBS電視台大熱劇《逃跑雖可恥但有用》（逃恥）大受歡迎，由男女主角星野源、新垣結衣掀起嘅「戀愛舞」現象可謂一發不可收拾，隨住星野源為呢套劇唱出嘅主題曲《戀》唱到街知巷聞，令星野源忽成歌視紅人，連續兩年打入《紅白歌唱大賽》。

星野源噚日為《紅白》現身綵排《戀》時大跳「戀愛舞」，由於拍檔新垣結衣將擔任今屆《紅白》評判，令兩人有望在除夕當晚再度合體，廣大觀眾亦好希望二人於台上再跳「戀愛舞」，對於大家嘅熱切期望，NHK方面就一盤冷水照頭淋，講明冇咁嘅安排，不過星野源就話希望到時在坐評判團同埋在場觀眾，屆時可以齊齊邊跳邊唱，粉絲惟有拭目以待。

同時，樂壇天后宇多田光已落實首次出席《紅白》，佢屆時會於倫敦進行直播。另一方面，聽日舉行嘅《日本唱片大賞》，身在倫敦嘅宇多田光都會作現場直播。