韓國大熱綜藝節目《RunningMan》嘅宋智孝同Gary呢對「周一情侶」一向被粉絲視為一對，不過今日就有個唔好消息傳出，令唔少粉絲好鬼傷心。

今日相關人士話喺內地發展得好好嘅智孝將於下周拍攝內地戀愛真人騷節目《我們相愛吧》嘅第二季錄影，不過佢談戀愛嘅對象並唔係Gary，反而係台灣型男陳柏霖，兩人喺節目中就攞正牌拍拖仔，節目將於下周進行拍攝，預計4月中會喺內地播出。而雙方嘅事務所都確認呢個消息。

之前男團SuperJunior嘅崔始源已經參加過節目，佢仲同內地名模劉雯被配成一對，兩人因為喺節目中表現太曖昧，所以仲傳出緋聞，而智孝就會成為第二位演出呢個節目嘅韓國藝人，不過粉絲就最擔心智孝同陳柏霖呢位型男日對夜對後，可能會「變心」飛甩Gary了。