王維基嘅HKTV未獲發牌，除咗一眾市民鬧爆外，HKTV藝員都對結果感失望，喺網上鬧爆，而喺記者會上，好多記者都係發問有關HKTV嘅問題，反而獲發牌嘅兩個台-----NOW嘅「香港電視娛樂」同有線「奇妙台」好似冇人理咁，咁又係，其實市民真係唔多知呢兩個台做過啲乜，咁Hea嘅狀態，免費牌照都可以垂手可得，難怪網民大呼冇天理。

而同呢兩個電視台咁啱都有約嘅梁思浩，喺網絡一片哀號聲中，竟然恭喜兩位老闆話:「恭喜！NOWTV及有線電視獲發免費電視牌照！太開心的消息！本人是全香港少數「同時簽約」兩個電視台的藝人！所以對我來說是雙重喜訊！未來香港共有四個免費電視台！同業們大家繼續努力！」

其實你講恭喜說話唔係問題，不過要睇下乜嘢情況囉，0依家個個都想HKTV獲發牌，但梁先生就恭喜NOWTV及有線電視.....呢一刻，覺得佢似講緊風涼話。