吳彥祖炸中環驚動警察

蘋果日報 2011/03/13 00:00

古天樂和吳彥祖昨日下午在中環鬧市拍攝電影《竊聽風雲Ⅱ》，劇情講述飾演督察的古仔跟蹤商業罪犯吳彥祖，但被吳彥祖發現，於是吳彥祖在馬路上放手榴彈意圖擾亂古仔視線，嚇得途人驚慌四散，警方接報後到場了解並疏散人群。不過，昨日拍攝期間一度驚動了真警員到場了解，而吳彥祖和古仔在中環鬧市開工，更吸引了數百人圍觀，部份人更拿手機拍照，場面墟冚。
empty
吳彥祖扮演的商業罪犯，為擺脫跟蹤而在鬧市掟手榴彈，十分冷血。
empty
古仔和吳彥祖兩大型男殺入中環，吸引了數百人圍觀，驚動真警員到場了解情況。
empty
昨日的外景重頭戲正是途人發現手榴彈（箭嘴示）後，嚇得雞飛狗走。
古仔嘆人生無常
古仔昨日接受電話訪問時表示，《竊》片本月中旬煞科後，他於16日便到香格里拉會合杜琪峯和鄭秀文拍攝電影《高海拔之戀Ⅱ》，據悉從雲南乘車往香格里拉會途經雲南地震帶山路。問古仔會否擔心發生餘震時，他說：「都唔擔心得咁多，要做嘢。公司有了解過，應該冇事，都係膽粗粗去。我有同阿杜聯絡，佢話香格里拉冇受地震影響，希望拍攝順利。」有關前日日本大地震，古仔也有留意，他說：「我有睇電視，見到日本地震傷亡慘重，令我深深感覺到要珍惜眼前人，生命係無常，大自然嘅災害係估唔到，所以幸福呢樣嘢亦唔係必然。」採訪、攝影：
黃文成、羅德光
empty
飾演督察的古仔被詭計多端的吳彥祖撇甩，一臉無奈。