旺角大南街昨日發生淋腐液案，馮姓(33歲))男子，遭姓黃鄰居(66歲)持鐵筆企圖襲擊及淋腐液濺傷( https://bit.ly/2NcjPR9 )。傷者的母親向記者稱，兩家恩怨始於兩年前，爭拗源於一頭唐狗「安仔」。

馮太與家人住頂層，天台有一間放雜物的小屋，而涉案被捕的黃同樣住天台屋，樓下的單位則放租。2016年5月，黃飼養唐狗「安仔」，據聞是業主立案法團送給他。馮太指，「安仔」在天台走廊自由活動，四處大小便，影響環境，衞生惡劣。她曾向法團主席反映，但反惹對方及黃的不滿。自此雙方關係惡化，馮太指經常被人粗言侮辱，「狗乸」、「雜種」不絕於耳，又手持菜刀揮舞，令她膽戰心驚，只是一直啞忍。

其後天台屋的cctv拍攝到，黃赤裸身體在她家門外小便。其中一次，更是她親眼撞破，即場對質，對方竟惡言相向：「我鍾意呀！你想睇咩，畀你睇吖！」事件驚動法團，最終「安仔」被搬離，環境得以改善，但對方極度不滿，行動更告升級。「自此之後，佢（黃）每日早上8點半坐喺樓下大門口等我個仔返工，等咗年幾。」對馮太一家構成心理烕脅。

昨日事發前兒子和裝修師傅在維修被颱風吹歪的物品。馮太強調，「冇嘈過交，一句都冇嘈，我企係走廊睇住師傅整嘢，我個仔就爬咗上梯整cctv，佢（黃）開門見到我個仔，就攞支鐵筆出來揮舞，我個仔跳咗落梯，用雨傘擋住佢。」黃又以瓦片擲擊，「好快手，佢入屋轉個頭兩隻手捧住一桶腐液，倒向樓梯位，我大叫阿仔唔好上嚟！」兒子立即閃避，但手腳仍被濺中，立即衝回屋內用花灑沖洗傷口，「腳沖咗水好彩冇事，但隻手揸住花灑沖唔到，就灼傷咗！」馮太也因地濕跣倒，撞及腰部骨裂。

馮太說黃的兒子事後亦有慰問他們一家，對事件感無奈，馮太則稱對淋腐液事件感到「好恐怖，提心吊膽，依家樓價咁高，邊個唔想搬，但唔係話搬就搬到！」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568