【新增動新聞】
史篤城上星期六同曼聯賽和2:2，球隊由曉士做領隊以來在聯賽主場與紅魔交手保持不敗。

球員生涯曾經兩度效力曼聯多年嘅曉士，自從做咗史篤城領隊之後，球隊喺英超聯賽主場對曼聯戰績係2勝3和，暫時仲未喺主場輸過，而史篤城上次喺主場輸畀紅魔係2012/13球季，當時嘅領隊係普利斯，曼聯領隊就仲係費格遜。

另外，曉士亦係第二位喺聯賽能夠四場對摩連奴保持不敗嘅主帥，第一個係朗奴高文，佢喺英超對摩佬曾經連續五場不敗。