警務處處長鄧炳強今早分別接受兩電台節目訪問，在港台節目《星期六問責》侃侃而談近一小時，節目尾聲接聽市民來電，市民梁女士批評，警方於反修例行動中濫捕及使用過份武力，一連串屍體發現或墮樓死亡個案均稱「無可疑」，鄧對此稱：「首先我唔同意市民話我哋嘅情況，我都多次強調，當暴徒使用暴力嘅時候，我哋先至需要用適當嘅武力制止。」

有聽眾致電直斥鄧炳強只容許自己在飯敍中說話幽默，但就不容許港台節目《頭條新聞》的幽默，質疑鄧因為節目內容指出警隊錯誤。聽眾又斥過去大半年警員不斷使用不必要武力，對待市民及記者，整場反修例運動中，沒有任何一名警員因濫用武力被捕，監警會的無能亦令人失望。

對於早前去信投訴港台節目《頭條新聞》，鄧回應稱：「我都好鍾意幽默感，我都好鍾意睇《頭條新聞》，噚日嗰個《擔心字典》我都覺得好好笑嘅，甚至演繹吓我，我都覺得無傷大雅，最緊要唔好有一啲錯誤嘅誤導嘅信息，令公眾對我哋嘅信心失去。」

鄧續稱：「正如頭先梁女士話，喂，咁多自殺案你話冇可疑喎！冇可疑就係冇可疑㗎嘛，咁但係可能梁女士睇咗一啲咁嘅新聞、呢個節目（《頭條新聞》），（被）誤導咗，以為我哋查案馬虎，呢個正正就係影響咗觀眾嘅觀感、對我哋嘅信任，對我哋防罪滅罪有好大影響亦都不符合公眾利益。」

他緊接再接受商台《政經星期六》訪問，總結過去一年的工作，指發生的事是1967年暴動以後都未發生過，「正面咁去睇，能夠遇到呢啲事，可能係時代選擇咗我啦。能夠面對呢啲挑戰，正面咁去睇，都係一個好的經驗。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架