【10：23更新】新增影片
沙田廣林苑茂林閣發生開槍案，醉男搶槍傷警員。屋苑清潔女工指，單位女戶主為寡婦，含辛茹苦養大兩名兒子，其中疑犯為長子，卻不務正業，經常嘈着要母親賣樓，又飲醉酒大吵大鬧家無寧日。

屋苑清潔女工認識疑犯一家，她指，男戶主多年前癌症離世，女戶主做展銷攤檔，「寡母婆守仔」湊大兩個仔。疑犯為長子，現年約29歲，幼子(約20歲)已經搬出。長子不務正業，做裝修散工，經常嚷叫要母親賣樓，「佢想攞的錢去威、去媾女」，又經常飲醉酒，大吵大鬧，女戶主已經向議員及社工求助，但也不得要領。「年卅晚、初一都嘈，唔知報過幾多次警。」

另一名住27樓的女街坊稱，疑犯成身紋身，「黑社會嚟㗎﹗」街坊都避之則吉。而樓上20樓女街坊則表示，清晨傳來巨響「仲以為係爆軚」，後來才知開槍。

住樓上的街坊稱，事發時被兩聲巨響驚醒，但以為擲物件，沒有理會繼續睡覺。男街坊指，不認識疑犯一家，但不時傳來嘈吵聲：「應該因為錢銀嘈交，成日話『我冇錢呀！』。」

根據土地註冊處資料顯示，疑犯單位於1989年10月，以239,200元買入，業主為姓陳及姓戎夫婦聯名；至2016年1月，向銀行加按65萬。

你敢爆，我敢獎！ 即Call《蘋果》24小時爆相爆片熱線 ：63836568