方嘉柏今季回復昔日谷草王本色，連續四次跑馬地夜馬都有馬贏，勝纜未斷，睇今次報名馬陣容，仍然有望延續。最惡一定係第六場「喜喜寶」與「川河寶駒」，這對馬屬新舊路程專家，較年長的「喜喜寶」，多年來已在谷草一哩累積三Ｗ，「川河寶駒」則屬新晉好手，跨季打叠兩勝此程。
這對馬今季都一出即勝，「喜喜寶」田草1400米竟可爆冷贏「壯思飛」，更唔係賺慢步速僅勝頭馬，雖然老，但仍然老得可愛，方仔部署等足個半月，期間操練仍以重養為主，然而早前都有安排連拍兩課，對整體準備程序，依然感到放心，今場用番老拍檔潘頓，同場無馬放，步速掌控權在手，再贏都唔奇！
至於「川河寶駒」跨季兩Ｗ，均贏「勁趣」，賽績似不算標青，然而卻經歷過，不同步速賽事形勢，也難不到牠，奠定是路程專家，可是隨着評分越升越高，可在跑馬地出戰強項，機會買少見少，精明如方仔，點會輕易放過機會；等賽程，有四周休息期，同樣採取重養手法，直至上周才恢復快跳，今朝再有出大圈跳多課，令我更放心！縱只是一段四百米工序，有跳同無跳，意義重於所跳時間，對「喜喜寶」狀態亦全無懷疑。
方仔這一放一追組合，排陣上夠晒穩陣，應可確保為他延續谷草例贏勝纜。