【曾用銀彈說服兒子】森美爆囝囝WhatsApp李偲嫣慘被Block
蘋果日報 2019/09/14 16:25
杜汶澤森美李偲嫣
森美接受杜汶澤的網台訪問時，更提到自己現年16歲、前年起在英留學的兒子。有觀眾問森美是否預視到香港的教育不可靠、香港沒有前途，所以才送兒子留學，森美坦言自己其實不贊成兒子出國，因為想一家團圓，但由於太太認為讓兒子出國可增廣見聞，或有助兒子將來，在兩公婆各持己見下，森美讓兒子作出選擇，最後兒子在第2次考到時，決定出國。
森美自爆曾以「金錢」作籌碼，企圖說服兒子：「我唔想佢離開我，之後我仲計過條數，我叫個仔諗吓，一年50萬，起碼要讀到大學，我當係7年，（總數係）350萬！我好功利咁去計，一個o靚仔去外國讀書要使350萬，但如果喺香港讀書，佢一畢業我就畀350萬佢！」森美當初打如意算盤，將供兒子讀書那一筆錢全數給兒子，任得他自己選擇要工作或不工作。最後兒子的回覆成功K.O.森美：「佢（森美兒子）話可能我去外國讀書之後，第二時返嚟搵到嘅仲多呢！」森美認為年輕人對自己有理想，及要信得過自己，自覺「睇小咗個仔」，他說：「年輕人對自己嘅信心同理想係唔可以扼殺嘅，我覺得呢個好重要。」
講起兒子，森美透露兒子赴英前，對政治很有興趣，曾發送電郵給鍾樹根。森美說：「對於佢哋嗰一代嘅年輕人嚟講，香港嘅政局係好Entertaining（富娛樂性），我仲記得鍾樹根喺佢心目中有好重要嘅地位。有一日我老婆話見到個仔send email俾鍾樹根，我問個仔點解，佢哋唔再派佢出嚟選喇，我問：『你撐佢㗎咩？你成日笑㗎！』個仔話：『我唔係撐佢呀，但我覺得佢好慘囉！』咁佢有顆同情嘅心，我都覺得好事嘅。」
好戲在後頭，森美後來發現兒子與李偲嫣WhatsApp交流，引得阿澤大爆笑！森美說：「我問佢WhatsApp咩呀？佢就問佢（李偲嫣）啲政治問題，詳細我唔記得喇，總之都係問當其時嘅政治問題啦，而李偲嫣亦都答得佢頭頭是道，問問吓李偲嫣問我個仔點稱呼，我個仔答『梁小朋友』，李偲嫣就block咗佢，哈哈哈哈！」森美坦言，兒子對政治的喜好，與他的想法不一樣，身為父母的亦無法決定子女如何看這個世界及社會。
（資料圖片、網上圖片）
阿澤得知森美的兒子先後聯絡過鍾樹根和李偲嫣，立即爆笑。（網上圖片）
當森美聽過兒子想出國留學的理由後，決定尊重兒子的決定。（網上圖片）
森美稱捨不得兒子到海外留學，曾想將供養兒子的錢直接給對方，企圖說服兒子。（網上圖片）