曾經獲馬壇神童稱號的華將蔡明紹，上季因傷缺陣多時，直接影響頭馬數字。他在暑期前往新加坡客串，以提升狀態應付香港新馬季。

今季他暫策「勇敢傳說」及「華美之友」贏過馬，亦回復昔日不少風采。明晚（27日）頭場其座騎「世界都市」，有力助他增添頭馬。

第一場四班1200米：今場有「大收成」及「欖球鑽石」在陣，前中段步速會快，形勢有利後上馬爭勝。

「世界都市」今次賽前體重1,254磅，是近兩年的體重低位，大馬減磅屬好現象，9月18日在草地拍跳，鞍上人緊扣韁繩亦輕鬆跳贏廐侶，兼且造出22秒5快時間，狀態已經操起，埋門兩星期晨課慢工夫為主，儲足火氣上陣搏殺，曾有傷患的七歲馬蓄銳一擊無保留，用蔡明紹冷人冷馬可以一博。

「無限欣賞」上季轉投高廐後，馬身飽滿兼增磅，而表現大有進展，兼且贏泥地1650米開齋，但之後表現卻未能再進，今次重戴眼罩而縮程跑短途，動態露搏殺手影。

「慷慨寶」上仗跑盲門路程田草1400米，大勝一又四分三馬位，重戴眼罩即回復真面目，上季首戰跑泥地1200米上名，現時評分仲低五分，今次跑返首本路程，亦有條件入圍。

冷腳可吼「鑽石達人」，上仗跑谷草1650米首次上名，進度踏上正軌，今次休後復出跑短途亦啱數。