由人氣綜藝節目《RunningMan》女星宋智孝同埋台灣型男「大仁哥」陳柏霖主演嘅內地真人騷節目《我們相愛吧》，喺最新預告中就播出二人早前嚟台灣拍攝嘅花絮，只見柏霖帶住智孝去到母校國中參觀，希望等智孝了解一下佢以前讀書嘅生活。

而柏霖將紙飛機丟去智孝身邊，又大方告白「我愛你」，智孝就話想睇睇佢以前國中時期鍾意過嘅女生，就喺呢個時間，有一名疑似柏霖國中時鍾意過嘅女生就突然出現，柏霖仲當住智孝面前同個女仔抱抱，又問對方好唔好，搞到企喺旁邊嘅智孝睇到眼都凸，而唔少粉絲都好奇到底個名女生係何方神聖，會唔會真係柏霖以前嘅女友，咁就要等到最新一集先知道。