熊黛林（Lynn）、Amanda S.及莊思敏前晚現身中環時尚活動，記者提到她日前32歲生日到男友郭富城住所攻城14小時，問到城城送了甚麼禮物？她望着雙手暗示收了首飾，她回味甜笑說：「今日都冇戴，你哋都影到啦，打邊爐算唔算？都係唱吓生日歌同切吓蛋糕。」

城城生日送乜都得

記者笑言Lynn與城城嘆二人世界，她說：「仲有兩隻狗。」問她會否考慮與城城過同居生活？她說：「唔會，咁大個未試過同男仔咩！」城城月底生日如何慶祝？Lynn說：「唔知佢喺邊，睇吓點，如果有工作都夜收啦！」會不會為城城製造驚喜，她表示：「自己唔鍾意畀驚喜，怕驚多過喜。」記者指城城熱愛跑車，會否準備類似的禮物？她說：「乜都得，如果係跑車，我要努力好耐，咁貴！整蛋糕應該好難。」
提到小美在微博的垃圾論，Lynn的經理人Kim回應：「網友唔好太敏感，小美係一個好專業嘅人，值得尊重嘅經理人，相信佢唔係指呢件事。」
採訪：顏英儀　攝影：仇志德