當年今日
關於我們

【積奇論戰】腳患馬難得健康好轉 哪有保留餘地?

蘋果日報 2019/02/23 23:06

積奇論戰新強勇駿腳患馬保留餘地

周日(24日)沙田日馬,編十場兩泥八草,採用B加2跑道角逐,雖然有一場出馬較少,但其實戲碼都不弱。
莫雷拉停賽,對蔡約翰沒有影響,做好之馬會繼續出擊,夥拍潘頓合作愉快。貝力斯將客串三個月,周日初試啼聲,可能來自澳洲同聲同氣,所獲支持遠勝夏禮賢,有機會爭取好表現。
「新強勇駿」上季同程連贏三仗,在三班擊敗「樂滿家」及「好運多贏」造出極佳時間,可惜連場硬仗足部出了問題,一對膝部做過手術。
半年後又發現新碎骨及嚴重退化,幸好今季在12月初復出,仍能交出成績,當時狀態好普通,僅敗予「鑽得勁」,復課放膽做工夫,埋門拍跳走勢好爽,睇狀態一定遠勝上回,腳患馬難得健康好轉,必盡用無保留。
「動力爆發」雖然演出梅花間竹,但今次無換人,繼續是贏馬拍檔巫顯東,升班但對手唔強,復課拍跳表現仍佳,孭輕磅有優勢,跑出水準三甲應有。
「加州神箭」剛戰輸谷草,不可作準,今仗返首本路程,前次由莫雷拉打開勝門,排外檔(11檔)主動帶放勝出,交出時間及姿態都出色,今次情況相若,何澤堯騎東廐馬成績唔錯,可爭三甲一席。
「大武士」上季在同程取得贏位,擊敗「威風霸皇」及「皇仁先鋒」,表現甚出色。今季復出暫時跑唔番,最近重新操練,戴眼罩試閘輕鬆拋甩對手,今次除去頭罩用眼罩上陣,是有能力推翻大局之馬。「樂滿家」都是路程專家,四重彩可兼顧。
-----------------------------------------
10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI