當年今日

餐廳負責人:無力應戰
超市9.9元碗飯大排長龍

蘋果日報 2002/11/02 00:00


【本報訊】百佳超級市場由昨日起,在全線分店推出六款售價僅九元九角的「超值碗飯」,首日反應不俗,擺放碗飯的攤位整日都有市民聚集。有市民認為,「唔使十蚊嘅價錢」非常超值;但有餐廳負責人則慨歎,大集團近日相繼推出特價套餐及飯盒,令生意愈來愈難做。

「賣相唔錯」
首日共有數萬個碗飯推出市面,位於沙田好運中心的百佳超級廣場更曾經出現市民排隊買飯的情況,其中在早上九時及中午十二時兩個時段,惠顧市民較多,但大部份都是長者及家庭主婦,上班一族及學生則寥寥可數。
家庭主婦梁太昨日買了一個超值碗飯予家中小朋友作午膳,她說:「平時買一個飯盒都要成十六蚊,𠵱家唔使十蚊就買到,而且賣相都唔錯,算係好抵!」
沙田一茶餐廳負責人林先生則慨歎,近期多間連鎖快餐店及超市相繼推出特價套餐及飯盒,令小商戶生意愈來愈難做,但由於餐廳的食物售價已很低,故暫時無力再減價應戰。「如果要減價,就一定冇質素,既然鬥唔到平,惟有鬥服務質素啦!」
他指出,據初步觀察,由於超市與餐廳的客路有別,暫時未見有太大影響。「我哋比較多打工仔同學生哥幫襯,而買超市碗飯嘅市民,大多數都係老人家同家庭主婦,所以應該唔會有好大打擊。」

並非蝕本價
百佳公共關係經理彭秀群表示,百佳推出超值碗飯的目的,是希望「畀市民多一個選擇」,並非要對食肆趕盡殺絕。她又稱,九元九角不是「蝕本價」,但利潤不會好高,惟有盡量做到薄利多銷。