當年今日
關於我們

搵霆鋒賽車對手拍MV
余文樂同女版舒麥加較量

蘋果日報 2002/08/09 00:00


余文樂前日在將軍澳駕跑車拍攝新歌MV,他與女角鄧穎詩更上演一場飛車情緣。有女版舒麥加之稱的鄧穎詩,曾在珠海與余文樂的樂壇對手謝霆鋒鍊車。
余文樂(樂仔)前日在將軍澳工業區,為新歌《全面收購》拍攝MV,環球唱片並請來女版舒麥加、準一級方程式賽車手鄧穎詩擔任MV女角。MV內容講述駕駛Benz跑車的樂仔,與駕電單車的鄧穎詩在街上邂逅,結果二人便上演了一場飆車情緣。

女車神巴閉
樂仔目前被視為謝霆鋒暫別娛圈後,甚有機會頂上霆鋒位置的男歌手,而樂仔與霆鋒又確實幾有緣,就如鄧穎詩以前亦曾與謝霆鋒在珠海賽車,估不到今次鄧穎詩與樂仔又會在螢幕上「交手」鍊車。而這位未足十八歲的女車神稍後更會前往意大利參加賽事。

替身代上陣
MV中不乏樂仔飛車的鏡頭,唱片公司為安全起見,把飛車動作全部交給替身,故此MV的製作費會比一般拍攝高出多倍。對於獲公司重視,樂仔不禁笑說:「有公司錫梗係開心,多謝晒,可能公司擔心我,至搵替身啦。」
樂仔又說:「我自己都好鍾意揸車,但我兩日冇瞓覺,唔係好敢開車,我喺香港都冇乜機會揸車,因為平日出入都有公司車坐。」
採訪:王崇穎
攝影:林德雄