不過吳兆康同八方講,佢對爭取到齊昕支持不表樂觀,皆因當區居民長期受區內酒吧噪音滋擾,佢其中一項政綱就係檢討酒牌政策,包括續牌時要睇埋酒吧噪音有冇擾民,「佢(齊昕)之前落嗰間吧都幾多(次)被投訴噪音」,相信佢呢項政綱齊昕未必咁支持。
吳兆康又話落區咁耐都未見過CY,但見唔到真人唔緊要,作為半山東候選人,其中一個好處係佢對CY有乜訴求,可以透過宣傳單張直接寄畀CY。八方建議佢加幾個政綱,如提出加強打擊僭建保障居民安全、建議促進家庭和睦政策等,做到急選民所急,話唔定可以爭取到好多愛生事家庭嘅選票呢!八方噚日都打過畀張翼雄,問佢點爭取禮賓府嗰幾票,但截稿前都未獲回覆。
李八方
mailto:
[email protected]